miabot ako sa hagip-otnga agianan
og didto wala na ako'y
laing kapilian
gawas lamang sa pagsulod
niini
og tuod man akong gituman
ang imong
gipangandoy sa akong
panaw
daghan ako'g nakita
sumala sa imong gipadayag kanako
sa dihang
wala pa ikaw mamatay
daghan ako'g gibati
nga unta gusto nimong
mabati
wala ka makaabot didto
wala gani kini nimo makita bisan
ang ilang mga lapyahan
mao kana ang imong pagmahay
karon mihangad ako sa
imong langit
og nakita ko ang mga pahiyom
sa imong mga bitoon
No comments:
Post a Comment