diha sa usa ka paghalok
itunong nako ang imong ngabil sa akong ngabil
aron kita magsibo
diha sa atong saloan nga kalipay
magdungan kita sa pagpiyong sa atong mga mata
aron makita nato ang
wala pa nato makita diha sa kalibotan sa
mga pagbati
wad-on ta ang kasakit
sa atong mga makita sa atong mga mata
motidlom kita sa lalom nga dagat sa atong kasingkasing
didto aduna kita'y laing makita
dili lang kitang duha
daghan, lapad og lalom nga kahilom
wala na ang kamingaw
anaa ang tumang kalipay
sa atong wala na pagpakabana
kon unsa og kon ngano
sayran ko ikaw
nga didto ako og ikaw mahimo nang gawasnon
No comments:
Post a Comment