Sa dihang nahigugma ako
Miulan ang kalipay sa akong aping
Og mibaha ang atabay sa akong baba
Og ang akong dila
Nahimong hardin sa daghan kaayong
Mga rosas
Musika ang hangin sa akong ilong
Mibulhot sa kahinam
Diha sa imong dughan
Ang akong mga mata nahimong
Duha ka adlaw
Ang akong mga pilok
Nahimong panganod diin nanab-it
Ang daghan kaayong mga
Bitoon
Ang mga sagbot mibuklad
Sa akong mga tiilan
Nangahimong higdaanan
Sa akong mga saad
Ang akong mga tudlo nahimong
Pulo ka suba og ang akong
Mga kamot nahimong mga lawod
Sa pagbati sa lapad og taas kaayong
Gugma diha kanimo
Dili na magakos og dili na masukod
Hangtod sa hangtod
No comments:
Post a Comment