dili ko maghisgot anang langgam nga
nakalupad gikan sa
hawla
dili ko maghisgot
kon asa siya mibatog
og ayaw ako pangutan-a
kon angayan ba
siya nga gawasnon
og kon sa kataposan
nagmalipayon ba siya
og wala ba kaniya ang
pagbasol og ang paghandom
nga mobalik na lang unta
sa sulod didto sa iyang
naandan nga balayan
kay ang hawla
bisan og unsaon pa niya
og panghimaraot
mosombalik gihapon ang
kamatooran nga kini
nakalipay kaniya
sa pipila kahigayon
didto sa sulod nabati
baya pod niya ang
gugmang tiunay
No comments:
Post a Comment