gibalikan ko ang pipila ka katuigan
kadtong bag-o pa kanako ang tanan
sa panahon nga wala pa ako makaila og kalayo
kadtong wala pa ako sugod mapaso
kadtong wala pa ko kaiyagak anang kasakit
sa paak sa hulmigas
gibalikan nako ang suok nga lugar
tapad sa bongbong nga sa kagabok
nangatagak ang mga anay og
ang mga hangin naglaposlapos
kadtong gatanga ko nga galantaw
sa imong panagway
kadtong katulgon na ko kaayo
og imong gibutang ang mga crayola
sa papel nga wala pay mantsa
gisugdan ko og debuho ang akong
unang iring, iro og unggoy
ang dahon, isda og kahoy og bulak
ang mangga nga hinog og ang
aslom kaayo nga santol
ang akong mahinumduman mao
nga nanghiwi ako kanimo
No comments:
Post a Comment