sandig

sandig sa usa
ka bongbong

iisa ang mga kamot
og hawid sa
imong mga palad

ipahungaw ang
ilok

ipakita ang
imong mga pan de sal

dula sa anino
usa lang ka mata
ang itutok

mo kaniya
nga naghandom
sa usa

ka gabii nga dili
katingog

tungod kay ang
iyang dako
nga baba haskang

punoa sa mga
mumho
sa ginagmayng kalipay

nga nagpasad
sa mga dalan sa
gitagong kasakit

ang iyang ilong
nindot
morag kadtong
akong

bukog dapit sa
ubos sa akong hawak

karon akong
gihanyag kanimo

tunla una
kanang imong mga
kahiubos
diha sulod sa imong

baba aron akong
ihungit ang imong

mga pangandoy
diha sa nagkagot
mo nga puting

mga ngipon.