shower

pagkabugnaw sa tubig
nga midagayday sa akong buhok
sa sayong kaadlawon

milanab kini sa akong aping
sa akong liog og abaga
mga mora ako og giromansa
sa usa ka paghapyod sa akong
mga unod og kini nabati
lapos sa akong bukog

maaghop nga tubig nga miagas
morag awit sa usa ka maanyag
nga dalaga daplin sa bungtod

naigpot ako sa kagilok
kay anaa ka sa ubos
naghandom gihapon kanako
human sa atong pagdilaab
kaganiha pa lamang

ang kalipay kon moabot
morag pungpong sa ubas
haskang tam-isa haskang daghana!
ang akong mga kamot
nakasanding sa bongbong
sa dili matukib nga pagboto
sa usa ka himaya

nagdilaab ang akong dughan
nasunog ang akong pus-on sa kainit
miaso ang akong lubot
mibuto ang akong pagbati
mibuhagay ang magma
nagbaga ang mga lava

sa sulod sa banyo, dili lang kaligo kadto