mY secreT ponD

ingon sila
ang kataposang kahayag
haskang hayaga
labaw pas pulo ka
adlaw

labaw pas usa ka gatos
nga sulo
apan dali ra usab kining
mapalong
mas dali pas usa ka
pagpamilok
unya dayon ang makita
mao na lang gayod
ang tumang kangitngit
unya ang madungog mao
na lang gayod ang
kinakusgang hunghong
sa hinapos nga kahilom
nag-ampo baya pod ako
nga unta kini
dili matinood.