mY secreT ponD

bisan ug unsa kaanindot
sa awit sa tamsi
didto's punoan sa bayabas
kon matag adlaw
napuros tamsi na lang
mapul-an ka gihapon

bisan ug unsa ka lami
ang hinog nga bayabas
kon matag adlaw bayabas
lang gihapon
mapul-an ka usab
ang utok dili ganahan ug
balikbalik
ang kasingkasing pati
dili ganahan nianang
matagna
ang matag adlaw nga
gabalikbalik kanimo
sumo na kaayo
adunay panahon nga
mingawan mo ang kagabhion
ang aslom nga manggang hilaw
ang kapait sa paleya
ang gilikayan mong kahapdos
sa kasingkasing
ang gikahadlokan mong pagbiya
ang wa mo damhang panagbulag