bwahan

kabahin kini sa kahayag gikan sa adlaw nga
midan-ag sa mga dahon sa punoan sa bwahan

sa mga tamsi nga tawgon kog kuragan nga siging
paigat ug lupad-lupad tugdong balikbalik
 sa mga sanga sa mga punoan sa bwahan

sa mga dagkong hulmigas nga nagsigig hakot sa mga
mumho sa kan-on nga sobra sa pamahaw sa mga iro
nga busog na kaayo ug karon namahulay silong sa
mga punoan nga mikatkat  sa bwahan

sa mga salag, sa mga dahong nalaya ug nangahulog sa
tiilan sa mga punoan sa bwahan

makita mo kaha ang pagkabalaan ug pagkabulahan ning
tanan dinhi sa kalibotan sa mga punona sa bwahan?

 

bwahan, kong ang imong hunahuna, nanirado na sama

sa mga kapit-os sa payag, bwahan, dili na gayod.