mY secreT ponD

pareho ra tang duha
ning kadugayon
sulod gawas sa samang
pultahan
lantaw duko hangad sa
samang dingding sa
managsamang bintana
sira abri
matag adlaw matag gabii
gayod kini
sulod sa napulo ug walo ka
katuigan
balik balik
balik balikan
nga bisag sa kapuol
atong gipasopasohan
ang samang salog ang
samang agianan
nga hangtod karon nga bisan
ug dayag diha sa kahayag
ug gani mao man usab sa kangitngit
ning dulom tang padulngan
ato man gihapong
giamomahan.