Saturday, April 5, 2014

ang buwak nga nahug sa kahoy didto sa
puti nga baybayon sa burakay gikuhaan ko ug larawan
sa iyang kanindot wa ko kini kuhaa
gibilin ko kon asa siya nahulog kon asa siya matulog
kon asa siya malaya
ang akong gidala bahin kaniya ania ra gihapon sulod sa
akong kasingkasing ug bisan sa kadugay sa panahon
ug bisan mapapas na ang maong buwak
mawala didto sa puti nga baybayon
siya magapabilin lang gihapon. ug kini usab ang imong mabati
kay dili mo naman mahikap
kay dili mo naman makita pag-usab.

No comments: