mY secreT ponD

sa altar
sa lawas
pila ba ang imong
gihalaran nga
dios?

usa lang ba?
mas maayo unta
ug daghan
mas nindot
mas mabulokon
mas bibo
morag magpista
ang moyukbo sa
altar nga puno.
ang imong kaugalingon
usa lang ba usab?
masulub-on lang
ba?
ay! sayop ka
anaa nagpahipi ang
daghan mong
nawong
kadtong kusog
kaayong mikatawa
unya nadungog
sa langit
kadtong miampo
unya gani pati ang
langit
nahilom ug
namati
ayaw did-i
ang daghan mong
mga kamot
ug tiil
sa pagbuhat
sa daghan mong
buluhaton
kay sama sa imong
hunahuna ug kasingkasing
daghan usab sila
kay kon ikaw usa ra
dayon mag-inosara
kasubo gayod kaha
sa kalibotan.