mY secreT ponD

matag kahayag sa matag adlaw
matag lakaw matag pahulay
matag duka, matag lantaw
samtang anaa pa ang tanaman
ang kabukiran, ang kasagbotan
aron ka malipay, unsa pa ba gayod
ang imong pangitaon?
daghang nagsubo, nag-iyak,
diha sa pagpangita sa wala.
sa paghandom sa dili makab-ot
sa pagpangita sa adlaw diha sa
kagabhion, sa bulan diha sa kaudtohon,
sa ulan sa hulaw, sa dili mahimo diha
sa pagkadaghan kaayong gipangita
nga posibilidad, hangtod nga kini
namatay, ganganga, naglutok
gilangaw, natikig.