mY secreT ponD

milupad ako sa kahanginan
matag hapon ug sa akong likod mao ang nahalap nga adlaw
mitugpa ako sa sanga sa bayabas
nga ang mga bunga nangalata na lang sa kahinog
nahulog unya walay mikaon nga ulod
natulog ako tupad sa mga dahon
nga tagboanan sa mga hoyohoy

walay makadakop kanako
kay usa ako abtik nga gawasnon
kon motabok ako sa pikas tampi ug mobalhin sa pikas isla
didto gayod sa layo kaayo
dili ako mobalik kay ako ang itom nga langgam
nga walay gimahal
nga walay gikawilihan.