mY secreT ponD

giasoy ko lang ang akong nakita
gisulat ko lang ang akong nadungog
usa lamang ako
ka mensahero

sa imong kasakit
kon moiyak ka pag-usab
kon mobanaw na usab ang dakong baha
sa luha sa imong salog
ayaw ako ug kasuk-i
usa lamang ako ka matinud-anon nga mensahero
usa lamang ako
ka tigsulat
gusto unta nakong mamakak aron ka malipay
apan anaa ang mga mata sa kamatooran
nagdala sa hait kaayong espada
anaa ang iyang mga kamot nga kusgan kaayo
daghan na
ang namatay tungod kaniya
busa, higala, pasayloa intawon kining
imong alagad
walay gahom
wala usay palad.