ayaw kabalaka alicia

ayaw lagi kabalaka alicia
niining atong talagsaon nga sayaw
sa huni sa kinabuhi

kinsa ba sila nga maghusga kanato?
suluguon lamang kita sa mga mando sa atong
harianong nga mga pagbati

ikaw og ako
naglunang sa kalayo sa kalipay
diha sa kagwangan sa kaulag

mag-inom kita sa kopa nga puno sa
bino sa gugma

maglunang kita diha sa suba sa kalipay
maligo kita sa lapok

kaniadto pa kining atong dula sa kinabuhi
ang rayna tan-awa
mibuka sa iyang bukad nga saya
og anaa ang iyang tiglipay miluhod
sa iyang atubangan

migamit sa iyang dila og gipangita ang
tinood nga gigkanan sa kinabuhi nga ilang gipanghimakak
kaniadto pa
sa batan-on pa ang adlaw og bulan nga nag-unot usab
diha sa paraiso sa kangitngit

tan-awa ang rayna
milantaw og kalit dala ang kahingawa sa iyang hari
lahi ang iyang gibati
sa mga pagilok nga wala niya mahimo
sa iyang kuspaw og luspad nga balaanong gugma

ayaw kabalaka alicia
ang panahon mogiya kanato paingon didto sa usa ka bungtod
atua ang usa ka walog
ang patag og ang mga kabulakan og kakahoyan
anaa ang daplin sa sapa
anaa ang mga kalanggaman nga moawit kanato

anaa ang pulak sa lubi gikan sa bayog nga punoan

yak-an mo kini
tindogan ko kadto

buk-on nato ang ulo
higopon ko ang sabaw
kibkibon mo ang unod

hangtod sa atong ikabusog
og dayon natog hinanok sa usa ka katulog