yano lang

yano lang ang kinabuhi
kinsa ba ang ganahan nga kini
himoong gubot og komplikado
nga diha na man ang
pagkawala unya sa kahulugan
nga sa kadaghan sa atimanon
dili ka na gani kahibalo kon
asa ka magsugod og asa nimo
taposon ang imong mga
buluhaton og angkonon
nga mga butang diha sa
gitawag nato og gusto o
panginahanglan

yano lang sama sa usa ka
toothbrush gamay nga toothpaste
usa ka panyo usa ka bakos usa ka
parisan nga sapatos, usa ka parisan
nga medyas usa ka parisan nga tsinelas

usa ka asawa, usa ka anak, usa ka balay
usa ka kotse, usa ka garahe, usa ka
bankbook, usa ka credit card, usa ka
birthday party, usa ka wedding anniversary

usa ka helikopter, usa ka eroplano, usa
ka submarino, usa ka isla, usa ka kontinente
usa ka yate, usa ka balay bakasyonan,
usa ka trip sa China, usa ka packaged tour
sa Europe, usa ka .... time sa

medyo nadaghanan man ang matag usa ka...

tan-awa kon dili kita magbantay ang yano
nga sinugdanan mahimo mang komplikado ang kataposan.