ang hukhok nga 19

ang 19 kaniadto sa gagmay pa kami
miingon sa 79 nga gihigugma gayod kuno niya kini

og nagpatina sa buhok si 79 nga ang iyang ngalan
dodong na
og si inday nga 19 pa lang naghungit sa iyang
pamahaw
og kami nga 7, 9 og 13
morag gilood sa among nakita kabahin sa
paghinigugmaay ni dodong og ni inday

nailad sa gayod si 79 og nagpakasal didto sa Skyroom
ni 19 nga duna bayay sekreto ni 17.

pagkahibalo ni 19 nga gamay lang ang iyang bahin
sa katigayonan ni 79

didto nagsugod ang kagubot.
mikuha og shotgun og gipusil si 79 ug namatay.

napriso si 19 sud sa 30 ka tuig og ako kini karon
(kwentaha lang)

ania nagpuyo nga hamugaway sa umaabot pa nga
laing 40 ka tuig,

ang mga numero usahay
sa tinood lang mao ang makaaghat sa mga 19
sa usa ka pagpatay.