daghan kaayo ang mga bulak
didto sa balangay sa Karupay
naglumba og pangalimyon sa
tungang kagabhion
anaa ang kahumot sa amarillo
nga namukol pag-ayo
anaa ang mga lunhaw nga
dahon sa mga antulanga
nga mibigot usab pag-ayo
anaa ang mga lila
nga namus-ok sa iyang
mga gihay
anaa ang mga pula nga
boganbilya nga
nanghubag sa kaanindot
og ako ang alindahaw
nga nagbalhinbalhin
og batog kuyog sa
mga buyog kuyog
sa mga alibangbang
nangasarasay nahubog
sa pista sa mga bulak
didto sa Karupay
nag-awas awas ang
mga kalipay
walay undang ang
sa nektar nga panagtagay
No comments:
Post a Comment