ang yawe baya sa imong kalipay
anaa lang sa imong palad
ang palad baya anaa sa imong mga kamot
ayaw kabalaka
kay ang palad sa imong palad
wala kana sa ilang mga tagna-tagna
ang palad naghipos sa maong yawe
og ang tag-iya nianang yawe
ikaw lang gayod gihapon
gikan pa kaniadto
og hangtod karon
og sa ugma nga umaabot
ayaw pagpaabot
ang pag-abre sa imong kamot
anaa ra gayod kana kanimo
ang pag-abre sa imong pultahan
anaa ra kana sa yawe
sa imong mga kamot
sa imong palad
sa imong paghikap
sa imong pagkitiw
sa imong mga tudlo
No comments:
Post a Comment