misandig siya sa salamin
kay wala siya makatoo sa iyang nakita
og kadtong misulod sa maong lawak
nakapanghawid sa kilid sa pultahan
wala usab siya nakatoo sa iyang nakita
pagkahuman wala siya'y tingog-tingog
mitunol kaniya sa angayng ihatag
mitindog
nag-ilis
og nagpakaron-ingnon silang duha
nga wala gayod sila sugod
nagkita bisan asa
bisan kanus-a
gibuhat lang kuno nila
ang angayan nga buhaton
niadtong tungora
No comments:
Post a Comment