paciencia

ang pagpaciencia
unsa ba?

naglingkod ka atubangan
nianang mga salampati
nagtinan-away mong duha
siya nagpaabot kanus-a
ka mohawa kay
sa lugas sa usa ka humay
andam na unta siya
nga motuka

og ikaw usab
walay lihok nga
nagpaitok kaniya
kay hadool na siya
og ang imong mga
kamot dugay na
usab nga andam
aron pagdakop
kaniya

duha ka pagpaabot
diha sa pagpailob
lain laing lang
og mga tumong

ang usa sa iyang pagtuka
ang usa sa pagdakop unya