iusahay kitang duha mahimong kataw-anan
sa atong gamay nga katilingban
ii
gusto natong ipakita nga kitang duha
kahibalong molupad sa mga panganod
sama niaanang mga tamsi
iii
gamit lang sa atong upat ka mga tiil?
iv
ayaw ko balaki
palihug lang
ayaw ako hatagi
anang imong mga damgo
nga bisan og usa
wala gayod matuman
v
ugma mao kini ang akong buhaton
hugasan ko ang imong tiil
sabonan ko kini pag-ayo
og putlan
ko ang imong mga tag-as nga kuko
vi
ibulhot ko gikan sa akong baba
ang mga asul nga panganod
diha gayod sa tunga sa imong agtang
No comments:
Post a Comment