maayong pagkaigo ang tungatunga sa akong kasingkasing sa iyang gapasan
nahapla ko
natuali sa akong gitindogan,
mikapakapa ko nga morag ihalas nga pato
didto sa bungtod dapit sa basakan
nahulog ko, nadam-ag,
nagdugo ang akong dughan
naluspad ko,
misukarap,
nakasyagit sa kangotngot
apan dili ko makapanawag og ngalan
sa angayan nga motabang kanako
wala, wala gayod kini tambal
kining gugma nga pakyas
kining gugma nga wala masuklii
usab sa gugma
pipila ka tuig pa ba?
kasakit,
walay mikugang sa milabay
nga pulo ka tuig,
ngulngol pa gihapon.
No comments:
Post a Comment