mga damba

mikampayot ka sa damba
mitindog ka sa damba
sa imong utok nanghawid ka sa mga damba
sayod ka ba nga kaniadto
sa wala pa kaayo nakasabot ang tawo
sa iyang kalibotan
diin ang iyang kalisang
anaa lamang sa relihiyon
sa mga pari og sa obispo
sayod ka ba nga daghan
ang naputlan sa ilang liog
diha sa ibabaw sa mga damba?

karon sa atong ginagmay nga
kahibalo ang damda mao ang
atong hawiran aron nato
mapinturahan ang mga dingding
og atop niining atong kalibotan

lunhaw, gilak nga sinag sa adlaw
sa sidlak sa atong mga kasingkasing