karong adlawa

karong adlawa dili ko
magpadala nimo og usa ka tagkos
nga pula nga rosas

dili ko magpadala nimo og
card o manawag nimo sa phone
o mag text og magpadala nimo og
pics o mms o mp3 music

karong adlawa dili ko magpadala
nimo og gift nga chocolates
o cake

karong adlawa og sa mga umaabot pa
tupad ako kanimo
padayon sa atong panagkuyog
sa atong kinabuhi sa matag takna
sa matag adlaw og gabii
lakat sa ilalom sa kahayag sa bulan
lingkod sa ilalom sa bugnaw nga kakahoyan
suroy-suroy ning atong gamay nga kalibotan

karong adlawa og sa umaabot pa nga mga adlaw
hangtod sa atong pagkapapas og pagkamatay
kita lang gihapong duha kay gihigugma ko ikaw