MGA KAMOT NGA NAHILIS SA HANGIN

Sa pag-abot sa kagabhion
Sa atong pagpahulay
Atong tukion ang mga oras
Nga nanglabay
Og ang wala nato magamit
Pag-ayo ato na kanang
Ipanglabay

Unsa pa ang gamit niana?

Atong masuta ang atong mga
Kasakit
Sa mga oras nga ato untang
Nagamit og napahimuslan
Sa maayong pamaagi
Aduna atong gigasto
Sa paghambin sa mga daotang
Hunahuna
Adunay ato lang nga gitutok
Sa dingding sa dagat
Adunay ato lang nga giihap
Sa atong mga tudlo
Usa duha tulo upat lima
Og sa atong pagdinangag
Wala na nato mabantayi
Nga sa nahurot nga mga oras
Wala na nato
Makita
Ang atong mga kamot
Nga nahilis lang diay
Diha sa
Hangin