ang pagmukmok sulod sa imong kwarto
unsa ba ang mahatag niini nga kaayo?
ikaw ang naghatag sa kangitngit sa imong kalibotan
pinaagi sa pagtabon sa imong panagway
ikaw ang migapos sa imong mga tiil pinaagi sa
pagluko diha sa ibabaw sa imong katre
ang imong buhok imong gigaid sa kilid sa imong dingding
og ang imong mga bukton maoy mituuk sa imong dughan
nangutana ka kanako, og unsa bay kapuslanan sa tanan?
apan sa imong binuhatan, sa imong pagsakit sa imong kaugalingon
wala gayod una akoy ikatubag kanimo
kay unsa bay kapuslanan sa akong mga tubag kon ikaw
nagsiging mukmok, nanirado, nagsubo, og dili gayod mamati kanako.
No comments:
Post a Comment