balas

ikaw ang nag-una-una
ako lang bayang gihuman ang imong gisugdan
og karon ikaw na man hinoon ang nasuko
og ako ang imong gibuno
sa imong mga bato

igo lang akong gauli sa imong
gihatag kanako

nanghambog ka nga ikaw lahi sa tanang
mga balas niining atong kalibotan

nga ikaw migilak nga usa ka dyamante
nga ikaw gikasinahan sa mga bulawan
nga ikaw gidayeg sa mga tanso
og bronze

tan-awa ang adlaw nga misilang sa atong taas
wala kini makaila kanimo nga usa lamang sa mga trillion sa mga balas
nga ania dinhi

dili na man seguro ka nako pahimangnoan
nga ang balas
balas sa sinugdan og balas lang gihapon hangtod sa kataposan
nga ang balas

ayaw kasuko
wala gayod gihapoy kapuslanan

gusto unta ko moingon nga
hoy! balas pagmata!

wala ka gani bisag usa ka mata nga anaa
lang diha kanila