di sad kong kalimot
sa mga pamulungon ni lola pepay
kabahin ni nancy nga nagpunay
og tambay sa silong sa balay
siging estorya bisag unsa na lang
kang poldo nga among silingan
nga sa dihang naburos na siya
og mingtug-an kang lola pepay
sa iyang kahimtang
nga si poldo lagi gusto na nga
magpakasal bisag walay klarong
trabaho og misulay og pasabot
si nancy nga lagi naburos siya
kay nakalimot silang poldo
didto sa ngitngit nga lugar
sa silong sa balay na lagi
wala gayod nila matuyo
ang tanan og si lola baya
wala palupig sa iyang kahiubos
sa iyang pinalanggang apo
og miingon sa wala'y pagnapo
nga " kay unsa man kanang imoha
nancy, bukag? nga bisan asa ilabay
ang kang poldo masulod?"
morag nakatawa ko nga nakadungog
apan ako na lang gitulon kay si
lola pepay baya muna-munang sukoa og
sangko baya sa langit ang iyang kahiubos.
No comments:
Post a Comment