pagpamaybay sa usa ka taytayan sa gugma nga akong gibati diha kanimo

mitaob ang dagat
og kinsa ba ang ganahan nianang pagkalumos
sa usa ka dakong taob sa gugma?

wala usab kita maghandom anang hunasan
kay kinsa ba ang gusto kanato nga madagsa nianang daplin nga wala nay tubig?

ang ato, sama sa naandan,
kanang igo-igo lang
dili taob kaayo nga makalumos
og dili usab hunas kaayo nga makasangyad

naghimo ako og atong taytayan sa daplin sa dagat
sa atong gugma
diha kita mamaybay
aron kita makalikay
niaang taob nga makalumos
nianang hunas nga makasangyad

diha kita sa lingkaw kay wala diha ang bakikaw
hawid sa akong mga kamot kuyog kanako
adto ta gugma nga kanato lang igo-igo