ang hunghong dili anad
anang pag-antos sa paghipos
og tood man misabod ra
gayod kini sa dunggan
nga mahinangpanon usab
og didto ang hunghong
misalom sa lam-aw sa
dagling mga pagtoo
mao kana mao kadto
og ang dunggan nalipay
misutoy og hatod didto
sa kasingkasing og sa
dila nga rayna diha sa
baba, kay kini mao kana
kay kana mao kadto,
ingon man god siya
og sa kataposan milugwa
ang usa ka libak nga ang
tanan nangambot kon
dis-a gayod gikan
No comments:
Post a Comment