sa kataposan nagtagbo
ra gayod ang atong mga dalan
kitang duha
ikaw ang akong damgo
og ako ang imong kamatooran
apan wala ka man mangambat
bitbit ang imong tsinelas
mitan-aw ko kanimo
og ako untang sangpiton ang imong ngalan
gisamkon ko ang imong mga gahom
apan wala ka gayod molingi kanako
nagtagbo lang ang atong mga dalan
og igo lang kining nagtupad
mipadayon ka
mipadayon sab ko
lahi diay ang padulngan sa damgo
lahi diay usab ang abtanan sa kamatooran
ang damgo natigulang na
apan ang kamatooran nagpabilin pa sa iyang kabata.
No comments:
Post a Comment