kahimoot

nindot ang kahimoot
itago usahay
sa usa ka pahiyom
kuyugan sa
kadyot lang
kaayo nga pagpiyong
og ang imong mga
pilok
mokurap kurap
abi nimo
og suga nga hapit
na nga maponder
og dayon og
tan-aw balik kanimo
og walay pulong
nga isulti

nahimoot lang
sa usa ka
kaagi nga kalit
mitimaw
apan dili gayod
ikasulti

atua kini sulod
sa imong
kasingkasing
nagduladula
nag-ambak
ambak sa tumang
kalipay nga
dili gayod
ikapanulti