gusto nato nga molungtad
ang gabii og dugay apan
misupak ang adlaw kay
dili gyod kana mahimo,
nan kay dili man
manamilit na kita sa mga bituon
taposon natong duha ang usa ka gugma
sa usa ka tam-is nga sayaw
akong hawiran ang imong hawak
idap-ig nimo ang imong agtang sa akong aping
maghalok ta kanang dugay kaayo
kanang ang atong mga ngabil magkailhanay
sa ilang mga laway
magpilit tang duha sa atong mga tinan-awan
maghawiray tang duha dayon atong itabyog
ang atong lawas sa katapusang sonata
mopiyong ka sa makadyot aron bation nimo
ang nahabilin sa imong dughan
ikitiw nato ang atong mga tudlo
ihapon pag-ayo ang nabilin nga mga gutlo
No comments:
Post a Comment