nasulat na nimo ang tanannasud na ang imong kagahapon sa usa ka libro
gipatong mo ang mga pula nga pahina
diin ang usa ka panid niana nagsugid sa
sa usa ka gugmang matood
apan wala matuman
nagtapad ang lunhaw nga yahong
nga anaa pay sulod nga pagkaon
unta sa imong panihapon
anaa nagnganga ang usa ka kutsara
nga miyagyag sa subo nga balita
anaa ang baso nga nanghagad nga
maoy mosaksi
sa tubig nga imong giinom
kuyog ang mga nagpahikatulog kanimo
sa hangtod-hangtod.
Gisulat mo ang
kinabuhi nga ilang gisugdan apan ikaw ang
dunay kaisog sa pagtapos
pagkamubo gayod sa hapos
sa imong kote
wala gitagkos didto
ang saktong panamilit.
No comments:
Post a Comment