sa imong balay nga bawog

suruyon ko ang mga bawog
nga agianan
sa imong palasyo
pamation ko ang
mga ipanugid
diha sa iyang mga
bongbong
og mga haligi

dalhon ako sa akong
mga tiil sa kalibog
apan bisan pa niini
ang akong mga pagtoo
nga ikaw nga
nagpuyo dinha
wala mahiluna sa
mga bawog nga panghunahuna
sa sulod sa imong lawak
imong gihandom
gihapon ang mga kalinaw
sa sapa
ang mga kahilom
sa mga panganod
nga anaa sa kilid
sa imong mga bintana
nagpahinumdom kanimo
sa kabililhon sa
mga lugas nianang
atong gibati nga
kamingaw

bisan sa kakapoy
gahinamhinam ang akong
mga kamot
sa paghawid sa imong
aping

ang hangin mihunghong
nga ikaw
nagpaabot gihapon kanako