dili baya sayop ang pagmahal sa kaugalingon,
ang paghagwa sa imong bukton sa imong mga kamot
og mga tudlo, ang paghalok sa imong ngabil
sa imong aping,
ang paghaploy sa imong mga kumagko
sa imong lapa-lapa
mahalon, amomahon mo una ang imong kaugalingon
og sama sa pagpangga mo niini,
mao usab dapat ang pagmahal, pag-amoma, pagpangga
sa imong silingan.
hinoon, pagkahuman niining
imong kaugalingong kanta og sayaw
sa imong kaugalingong kuskos
sa imong gitara og lira o viola or piano,
sulayi og lingkod diha sa imong bangko
dayon og pakpak sa imong kaugalingon
gamit lamang ang imong usa ka kamot
kon mamahimo ba?
karon duha gayod ka kamot
ang imong kinahanglan aron madungog
sa kalibotan ang pagdayeg
nimo sa imong kaugalingon.
No comments:
Post a Comment