pagkahuman sa kaadlawon
ikaw ang sayo nga mibangon
wala pa gayod mawala ang kainit
sud sa akong dughan
nagbaga pa gihapon
ang akong mga gibati diha kanimo
samtang nagkisawkisaw ka sa kusina
ania gihalog ko ang alugnan
diin imong gibilin ang imong kaalimyon
ang atong mga singot sa kalipay
nga nangauga na diha sa mga sapot
nga gapas diha sa mga kutson
diin misurop ang atong mga pag-agulo
diin ang atong mga panaad nanapot,
mipilit. Gidapion nako ang akong dalunggan
aron dunggon ko pag-usab ang pagsangpit
nimo sa akong ngalan nga mora kag nalumos
sa dakong buhos sa busay sa kalipay
Og samtang nagprito ka sa duha ka itlog,
ang akong mga sampot nangandiis,
giduot sa akong pus-on ang usa ka paghandom
ang pilitpilit pa gihapon nga kalipay
kaganihang kaadlawon.
No comments:
Post a Comment