nakita ko ikaw ganiha sa sayo sa buntag
ikaw lang, wala pa ang mga dayandayan
ikaw lang, wala na siya, wala na siya, og
ako unta mangutana kanimo, wala na ba
gayod siya sa imong kinabuhi? kanus-a
lang ba nga miingon ka, nga siya na og
kamo na gayong duha ang matood nga
nagkahinigugma? nga kamo og kamo na
lang gayong duha ang angay alang kaninyong
duha, ang kamatooran sa usa ka gugma?
gusto ko untang sultihan ka nga nasayod na
ako sa tanan, og ako ka untang sultihan nga
ako daklit giduaw sa dakong kasubo kabahin
sa inyong panagbulag, sa usa ka gugma nga
dali ra kaayong milubad sud lamang sa mubo
kaayo nga panahon, apan sa laing bahin gusto
ko usab unta ikaw nga sultihan nga sa sud sa
akong dughan usab nalipay: patas na tang duha.
No comments:
Post a Comment