hadla sa usa ka mangkay karong pebrero katorse

sumala sa imong horoscope karong petsa katorse sa pebrero sa adlaw sa mga kasingkasing nga nag-udhak kay nangita og saktong kapikas nga bahala
na og gwapo basta macho nga bahala na og abogado lang basta dako ra pod og kalubihan og halapad ra pod og mga kahumayan og katubhan matagboan nimo ang imong prinsipe nga maoy moagak nimo didto sa mga kakahoyan sa lawasnong kalipay sa humok nga katre diin ikaw moagolo sa napulo ka mga orgasmo
didto sa landong sa iyang mga
dahon tapad sa mga kabulakan sa paglinya sa planeta nga venus diha sa orbito sa jupiter akong nakita sa akong bolang kristal nga ikaw iyang higugmaon sa tinooray og siya magpaabot unya kanimo gikan sa imong mga pipila ka tuig nga pagkahig-waos siya ang imong tinood nga prinsipe og ikaw ang iyang prinsesa og kamong duha magpuyo nga malipayon hangtod sa kahangtoran didto sa iyang palasyo sa mga asul kaayo nga mga panganod

magpauraray ka sa iyang lig-on nga
mga bukton og tunawon ka sa iyang
mga lapot kaayo nga tinan-awan og
ikaw ibayaw sa dili nimo matukib nga
kalipay, sa katumanan sa tanan nimong
mga damgo sa pagbarog sa imong mga
gitigom nga mga pantasya og pangandoy.