babaye nga maanyag

babaye nga maanyag
ayaw ako og puyuka nianang
imong mga pagpilok-pilok sa
imong mga mata

kay nasayod ako sa akong
mga kakulangon
kay nasayod ako kon si kinsa ako
kay kauban na nako
kining akong lawas
sa milabay ng 48 otso na ka tuig

babaye nga maanyag
ayaw ako og puyuka pa anang
imong pahiyom
kay daghan na akog pahiyom
nga akong natilawan
nga mas tam-is pa nianang
imong mga pahiyom
nga morag dunay pangayoon kanako

babaye nga maanyag
ayaw akog paiboga anang imong mga totoy
kay naanad na ako niana
kay daghan na akog mga
totoy nga naagian nianing
akong mga kamot nga
lahero na niaanang
pagtimpla sa pagkumot
og paghaploy

babaye nga maanyag
ayaw na lang ako og
paibga og paitoka pa
og ayaw ako og pahimoa pa
og mga balak alang kanimo
kay niining akong pangidaron karon
nga ako daghan na'g nakarelasyon
wala na ako maghandom pa
anang mga ibog-ibog og hangyo-hangyo
nga unta ako imong pang higugmaon

babaye nga maanyag
nakita ko na ang tanang mga drama aning kalibotana
og busa ayaw na ko iyak-iyaki pa sa imong mga mata
ayaw na ko og sultihi unya anang mga basol-basol
anang mga estoryang paet pas papait sa kanding
nga giihaw sa kaadlawon

ayaw na ako og hatdi anang
mga mingaw nga sugilanon
nga kini mao kana
og kana mao kini kay sa akong pangidaron karon
dili na ako ganahan pang mamati niana

busa ayaw na ako og dramahe
o pakitaa anang imong kunohay namula nga mga mata
kay nag-iyak sa imong kapalaran nga imong naangkon
nianang imong pakyas pod kunuhay nga gugma
nianang kunuhay sayo pod kunong kasingkasing
nga nabun-og og nakimpang
aron kunohay ako malooy og imong mahaylo sa duro

babaye nga maanyag
dili na ako ganahan pa anang mga duda-duda
anang tagna-tagna anang duha-duha
anang mga kalibog sa kinabuhi
kon unsa ang mga bakak og unsa ang tinood
kon unsa ba gayod ang imong gustong mahitabo
kanatong duha karong gabhiona

ania ako naglingkod nga nag-inosara
nag-inom aning ika-napulog duha nga botelya
sa San Mig beer

ania ako nagpabulhot sa sigarilyo
namuyok niining akong mga haw-ang og uga nga mga ngabil
ania ako nanimahong upos nianing akong sigarilyong Marlboro

ayaw na akog paligoy-ligoya pa
nga mora kog imong kugmo
nga imong gilikit-likit sa imong mga tudlo
og gidula-dulaan og gituyok-tuyok diha sa imong palad

hinumdumi babayeng maanyag nga wala ako matawo gahapon

sulayi ako ayaw
nianang imong pagtintal og pagpaulit kanako
anang imong pagkitik-kitik sa akong gahi nga bukog
sa pagsura-sura kanako nianang imong pagtam-os-tam-os
sa imong kumagko

kay unsa ba ang angayan natong buhaton karong gabhiona
dinhi nining mabugnaw og mangitngit nga lugar
nga gidan-agan lamang sa gagmay nga mga bombilya
nga morag mga kihat sa imong kaigat og kaulagan

(i'm sorry to say the words)

nganong dili ka man lang moduol kanako?
kanang wala nay kaplastikan pa?

babayeng batan-on og maanyag
ayaw na ako pangutan-a
kon nganong ako lang usa dinhi sa lamesa,
ayaw na ko dramadramahe pa sama anang:
"Mas maganda sana kong Tayong Dalawa Lang"
kay morag manglimbawot ang akong mga bolbol ana

dali diri, tapari ko, ayaw na god og pagkunwari nga
ikaw kunohay shy,
(kay wala ka na bayay angay )
halata mo naman ang aking pagka-lonely
obvious naman talaga , di ba?

(oi nanagalog na, hubog na tingali)

dali diri, tupad na kanako,
ayaw na og kaulaw pa diha,
ayaw na anang "hi! hello, i'm Gina"

please lang, i don't want any silly
sweet-for-nothing conversation tonight.


bungat lang god og tagpila ka, kay paliton ta ka.