ang iyang gikawilihan

ang iyang gikawilihan mao ang mga bungtod,
ang mga patag,
ang mga sapa,
ang balilihan,
ang mga balagon

wala siya mawili sa iyang kaugalingon
kay dugay rang nangauga ang iyang mga atabay
ang iyang sapa wala nay mga isda
ang iyang iro sa kilid sa iyang pultahan
dili na kamaong mopaghot
pati ang iyang mga panganod
dili na gani kamaong moulan
dugay na siyang gibudhian sa
iyang pinalanggang iring
og ang iyang tamsi dugay
rang milupad palayo kaniya

nahisama na lang gani siya
sa mota nga nagtan-aw sa
iyang kaugalingong mata
nga halap na nga nagtan-aw
sa pagsalop sa adlaw didto
sa asul og lapad nga dagat.