lingkod pamati tindog luhod lingkod pamati luhod pangoros lingkod pamati sabat usahay sandig sa kilid sa lingkoranan katulgon mopiyong momata tindog na pod luhod pamati taas nga sermon sa pari nga morag halas nga sawa nga dili na nako makaon kay langto bisan pa og pritohon tapad sa akong asawa nga nagsigig hawid sa iyang rosaryohan siging palihok sa iyang mga ngabil nga morag dunay gihunghungan nga daghan kaayong mga estatuwa gabii. blackout. walay mga kandila. naamang ang pari. og ang mga tawo nahimong mga bato. tindog. lakaw pauli sa balay samtang siya nasuko kay nganong imong gibiyaan. niay kandila sa akong bulsa. naa koy posporo. apan dili nako dagkotan.
No comments:
Post a Comment