sus ka, ayaw og hisgot anang iring nga gipatay ni kyuryositi
wala ka na siyay hinungdan
pagkabati, pagkapait sa sugilanon nga ang iring
nga maayong mangawras sa dingding
nga kusog manakop og mga balagtok
gipatay lang anang walay hinungdan nga kyuryositi
imagine? namatay ang usa ka iring
pinaagi lang sa pito ka mga pangotana ni kuryositi
mikalit lang og katumba ang iring mikirig
og dayon mibula ang baba
og nawad-an og ginhawa
namatay sa walay igong kapasikaran
og rason.
yaw ka.
kon imo lang untang madungog
kon giunsa siya pagpangutana ni kyuryositi
sa pito ka mga pangutana
kon giunsa siya pagpangutana nga mora siyag gilikosan
sa usa ka sawa og gihinayhinay siya og tuok
og hugot nga mora siya og usa ka hiniktan nga manok
og giunsa pag-gupok ang iyang mga bukog
og giunsa siya pagtagodtagod
sus ka,
makaingon jud ka nga
pesteha ra
makamatay baya gyud diay ang mga pangutana
anaa ang iring, mihapla, misulirat ang mga mata
pinaagi lang sa pito ka pangutana.
mokiha?
No comments:
Post a Comment