Sunday, December 21, 2008

bahala na


ang salom sa kinabuhi usahay morag mga tiil nga nagpatihulog sa usa ka dako kaayo nga lawod

bahala na,

moambak ang imong mga pangandoy
mopailalom sa tiyan sa lubog kaayo nga dagat


og buhian ka sa iyang mga gamot nga ang
palad walay mapa kon asa ka paingon

og nagpaanod ka sa usa ka kusog kaayo nga
sulog gikapoy na ang imong mga pangwenta sa usa ka pakigbisog

gipiyal mo ang tanan kon unsa man ang imong dangatan sa layat sa kapalaran

bahala na, bahala na

kataposang litok sa imong mga ngabil
og dayon mitak-om ang imong baba

og dayon mipiyong ang mga mata nimo
sa usa ka kagahapon.