wala nako hikapa ang imong panit
natulog ko
wala ko mangambat sa mga gihay sa kahayag nga nanglusot
sa mga buslot sa akong bintana
mitindog ka nag-ilis og dayon abre sa pultahan
wala ka magpabilin og mga pulong
aron ako untang mabati ang gamay
nga kainit sa imong mga litok
gibalitok ko
namugnaw ang akong ngabil
nabitas ang akong kandiis
wala na ang batilaab
gamay rag pabilo ang akong mga balak
kon nakita mo lang ang pagkapalong
nindot nga sumbingay
sa kamatayon
No comments:
Post a Comment