moabot ra ang panahon
sama sa pagsidlak og pagsalop sa adlaw
panapanahon lang
adunay ako, aduna usay imong
saktong panahon
ang imo, imo, og ang ako, ako
moabot ra kana kanato
adunay duha ka baroto nga gigaid pa
sa atong pantalan
dili pa mahusbad ang ilang mga hikot
kay ania pa kita dinhi
sa atong gamay nga hardin
namulak,
namunga
apan tan-awa unya
ang pagsugod sa pagpanghinog,
moabot na dayon ang pagpamupo
sa atong mga bunga
og dito sa pantalan ila nang hubaron
ang mga hikot sa pisi
aron buhian ang atong mga baroto
kana maoy atong sakyan
sa atong pagpanaw
sa pikas na usab nga tampi
sa atong bag-ong kalibotan
No comments:
Post a Comment