kon ako mahimong tore

kon ako mahimong tore
gusto ko nga taas ako kaayo
gusto ko nga daghang lumot og
mga tanom nga motubo
sa akong mga kilid
gusto ko nga aduna akoy kampana
sa akong kinatumyan
gusto ko nga aduna akoy daghang
mga bintana
sama kadaghan usa sa akong
mga pultahan og
gusto ko nga mosaka ka
sa kinatas-an aron didto
nimo makita ang akong kalibotan

gusto ko nga imong bagtingon
ang akong kampana
aron mabati nila ang akong tingog
aron mangutana sila
kon kinsa na usab ang ilubong karong adlaw

gusto ko nga mabati nila
ang akong kasubo
gusto ko nga mahanggab nila ang hangin
ang tambag sa usa ka pari nga kitang tanan
mangandam sa atong
katapusang adlaw

kon ako mahimong tore unta.
apan sayod ka nga dili ka na mahimo.
kay ako usa lamang ka hawanan
og ang akong hangin
walay gisubay nga agianan.